رواية الفراشة بقلم روتيلا

رافض دراستي 
ينظر لها صقر بحدة أنا لو عايز اقعدك في البيت مش محتاج غير أني أقولها ليكي ..فاهمة 
تنظر روتيلا لخارج السيارة وبتنهيدة فاهمة ..حاجة تانية 
خالد منتظرك 
أيوة ..وبعد أذنك هارجع معاه لبيت ماما ..بابا وافق 
صقر وهو يدير وجهها له عايزاني معاكي 
ينفع 
يبتسم صقر وبهدوء أيوة يا حبيبتي ينفع ...قبل ما تخرجي بفترة عرفيني وانا أوصلك بنفسي ..اوكي 
أوكي 
يصلا فعلا للكلية فينزل صقر مع روتيلا ويقابل خالد الذي يسلم علية يوصيه بها فيدخلا معا تاركين صقرناظرا لهم وهم يدخلوا من البوابة وفي نفسة أية الكلام المچنون ده اللي قلته ليها.. عندك حق يا فراشتي شروط تعجيزية ..ياريتني أقدر أقولها ليكي ...
أقعدي في البيت 
لا إله إلا الله ...توكلنا على الله ثم يتحرك صقر للسيارة حيث يقف السائق يفتح له بابها ويتحرك موكبة .
.......مي ........
ما شاء الله البيت جميل 
نهى زوجة جودت أم أسماء ثمانية أعوام وتقى أربعة أعوام شكرا يا حبيبتي
..أنتي نورتيني انهاردة 
مي شكرا ..أنا سعيدة جدا بمعرفتك لازم أشكر رشا انها سبب التعارف 
تضحك رشا زوجة مدير مكتب ياسين يعني مبسوطين يبقى ليا هدية حلوة 
نهى عنيا ليكي تستاهلي 
تدخل خادمتان يحملوا حلويات ومشروبات كثيرة 
مي ماشاء الله ليه ده كلة 
تضحك نهى عائشة مديرة البيت وبناتها لما عرفت انك من القاهرة كانت هاتجنن من بعد الفجر وهي وبناتها في المطبخ 
تضحك رشا أصلها مش عارفه الحكاية 
مي أية الموضوع 
نهى ياسيتي جد عائشة أسلم على أيد شيخ من شيوخ الأزهر هنا فاتولدوا واتربوا على كلام جدهم اللي بيمجد في الأزهر وفضله عليه فعندهم كل ما يجي حد من القاهرة يعني جاي من عند الأزهر يعني رشا مش من القاهرة فزيهم متعرفش مكان الأزهر لكن أنتي عارفاة طبعا وبتروحي على طول تتعلمي على أيد شيوخة فهمتي 
مي أه ..طيب دي مشكلة ماتفهميهم 
نهى افهم أيه الموضوع بسيط هو ارتباط نفسي الجد سايب لهم مكتبة كاملة من كتب أزهريين ورسائل من الشيخ اللي أسلم على أيدة مفتخريين بيها جدا 
حتى هم استأذنوني انك تقابليهم 
مي برفض لأمستحيل أقول لهم أيه 
رشا هم مش عايزين حاجة بس اقعدي معاهم شوية ردي على اسألتهم 
مي طيب لو معرفتش حاجة ..وبعدين أنا معرفش لغتهم 
نهى عادي قولي بصراحة مش عارفة هاسأل وارد عليكم ..وبعدين أسماء مولودة هنا وعارفة لغتهم جدا هاترجم ليكي 
تقف مي وفي نفسها ..أكيد ناس بسيطة ومعلوماتهم بسيطة عن الأسلام ومحتاجين مساعدة أوكي نادي أسماء 
تدخل مي المطبخ حيث وجدت سيدة كبيرة وأثنتان اخريات وقد ارتدين ملابس محتشمة وحجاب واسع يغطيهم استقبلوها بابتسامة انارت وجههم قابلتها مي بابتسامة رضا وسعادة و شعرت أنها تعمل عمل نافع وأنها بالتأكيد ستفيدهم بمعلوماتها 
السلام عليكم 
وعليكم السلام ورحمة الله وبركاتة 
أسماء آنتي مي جت تسلم عليكم وانا هاترجم لها 
السيدة الكبيرة أنا عائشة وهذة خديجة وهذة فاطمة 
سلمت عليهم مي أهلا بيكم 
تتوتر مي قليلا ثم تتذكر أه ...أنتم كنتوا عايزين تسألوني عن حاجة 
يتحدثن السيدات ثم ينتظروا رد مي 
تجلس مي بأريحية تضع رجل على الأخرى ناقلة نظرها بينهم وهي مبتسمة مش فاهمة يا أسماء يا حبيبتي ترجميلي كلامهم 
أسماء يا آنتي بيقولوا حضرتك مش لابسة حجاب لية 
تضحك مي وهي تهز شعرها يمين ويسار شعري حلو مش كدة خاصة لما قصيتة كنت زمان لبستة شوية وقلعته موضات اللبس والشعر تجنن 
تنظر أسماء بتعجب لمي آنتي عايزاني أترجم الكلام ده ..متأكدة 
طبعا حبيبتي أية المشكلة 
تنظرن السيدات لبعضهن ثم يتحدثوا لأسماء 
بيقولوا أية 
بيقولوا انهاردة الأثنين أكيد زعلانة أنك مصمتيش وأكيد بتتمني أن رمضان السنة كلها 
تضحك مي أنا مش متعودة أصوم غير رمضان ووقفة العيد الكبير يا بنتي أنا بصوم رمضان بالعافية بس تصدقي فعلا عايزين رمضان يبقى طول السنة أصل المسلسلات والبرامج بتبقى روعة في رمضان 
بعد انتهاء أسماء من ترجمة كلام مي وقفن السيدات وقد ظهر عليهم الحزن الشديد لمحت مي في عيون أحدهن الدموع واخذت تتحدث وهي تبكي والأخريات كأنهن ينهراها 
هو جرى أية مالهم 
أسماء بحزن بتقول أنا قلت ليكم أنها مش مصرية أو حتى مسلمة هي متعرفش أكيد مكان الأزهر لأنها لو عرفت مكانة كانت عرفت هناك أنها لازم تلبس الحجاب وتصوم أثنين وخميس وتحب رمضان واكيد مبتعرفش تصلي وهم بيزعقوا ليها لأنك أكيد بتهزري لأن المصريين دمهم خفيف وبيحبوا الهزار 
بهتت مي من الكلام الذي سمعتة وخطڤ لونها أية معقولة !! معقولة أسلامهم قوي كدة وهم اللي بعيد وفي مجتمع غير مسلم متمسكين بدينهم وأنا كدة ..أنا دة منظري 
تضحك مي بدموع أسماء قول ليهم أنا بضحك معاكم 
وحضرتك صحيح يا آنتي بتضحكي معاهم 
مي ببتسامة باكية وصوت منكسر أيوة يا حبيبتي قوليلهم ...قوليلهم ..أنا مش لابسة الحجاب لأن عندي مرض جلدي في راسي وعلشان كدة ...تمرر يدها على رأسها ممسكة بشعرها وكأنها تريد شدة من جذورة قصيت شعري ...وقليلهم ...تنزل دموعها بغزارة تشاركها فيها السيدات وهن يحتضن أنفسهن بايديهم تاثرا بحالتها ....قولي يا أسماء أنا بحب الصيام اوي ورمضان لما بيخلص بعيط وبصلي كل فروضي ....تصمت مي شاهقة بالبكاء ثم تتذكر.... 
وعارفة مكانة الأزهر ومكانه 
ثم تنطلق مي لخارج البيت بعد وداع سريع لصاحبتة وتمشي مسرعة دون أن ترى من دموعها فتسمع صوت السائق يناديها لتلتفت للخلف 
السائق ېصرخ يا مدام ......يا مدام .....حاسبي 
يتبع
الجزء السادس والثلاثون.
.....سنغافورة .....
....المستشفى ....
يجري ياسين في أروقة المستشفى يبحث عن غرفة مي ليجد السائق الخاص يمسكة من رقبتة جرالها اية اتكلم ..الحاډث حصل ازاي كنت فين يا بني أدم ...
يا بية الست هانم خرجت من بيت الاستاذ جودت ومشيت على طول أنا شفتها بالصدفة من مراية العربية والله ناديت عليها والحمد لله الدكتور طمني بس شوية رضوض اطمن ...الحمد لله العربية فرملت بسرعة بس اتخبطت خبطة بسيطة والله ..اطمن يا بيه 
يتركة ياسين وهو ينظر لباب الغرفة المغلق ولية مانعين زيارتها 
شوية بس يا بيه لما يتأكدوا خالص ...الدكتور عندها 
يجلس ياسين لا تحملة قدمة من لحظة ما خبروه وهو يقاوم ...
يقف بلهفة عندما يجد الطبيب يخرج من الغرفة يطمئنة فعلا عنها أنها مجرد رضوض وهي نائمة الأن ويستطيع الدخول لها 
السائق الحمد لله على سلامة الهانم 
ينظر له ياسين بحدة امشي دلوقتي وحسابي معاك بعدين 
يطأطأ الرجل رأسة حاضر يا افندم 
يتقدم ياسين ويدخل غرفة زوجتة ليجدها وقد غطة وجها بعض لاصقات الچروح ورباط ضاغط على يدها وقدمها .يجلس بجانبها يمسك يدها السليمة وبهمس كدة يا مي ترعبيني عليكي ..كده يا روحي ..طيب قوليلي كنت اعمل ايه من غيرك ولادك كانوا هايعملوا ايه انا وهما منعرفش نعيش من غيرك يا مي ...ويضع جبينة على يدها ...انا مقدرش اعيش من غيرك يا حبيبتي ..اعمل ايه يا مي عارف ضغطت عليكي كتير بس اعمل ايه اخالف أبويا ترضيها ليا جيت عليكي وقبلها جيت على نفسي لما كنت بمۏت نفسي في الشغل 
كنت بعمل كدة علشان اقدر على بعدك وبعد عيالي صدقيني بعدك جرحني قبل مايجرحك كل بعد وكل انشغال وكل كلمة حلوة مقلتهاش ليكي كان بس علشان أقدر على بعدك سامحيني يا حبيبتي سامحيني 
مسمحاك 
ياسين يقف بلهفة