رواية الفراشة بقلم روتيلا

......
مفيش تعليق 
عايزة تسمعي اية 
روتيلا ولازالت بابتسامتها المتوترة الحقيقة ولاحاجة ...عربيتي في الأسكندرية ..خالد هايجيبها ليا و ...
صقر وهو يعود لمكتبة كنتي بتسوقي في الأسكندرية ....أقعدي يا روتيلا 
تظل واقفة أيوة بابا جبها ليا لما كملت 18 سنة 
صقر وهو يحرك كرسية يمين ويسار في حركة هادية وبتعرفي تسوقي ....مش قلت أقعدي 
روتيلا بنفاذ صبر أيوة بعرف أسوق ..ومش عايزة أقعد 
يثبت صقر كرسية وينظر لها بعمق متهيألي ننهي الحوار دلوقتي لغاية ما تحسي إنك أقل عصبية 
لكن أنا مش عصبية 
مستعدة تسمعي قراري 
طبعا 
بدون مناقشة عربية لأ..سواقة لأ..في عربية بسواقها جاهزة وهاترافقك عبير 
بالإضافة لحارس شخصي 
روتيلا پصرخة أية !!!!
صقر يمسك أوراقة أتفضلي أنتهى الحوار
روتيلا تهز رأسها بعصبية بلا لأمنتهاش أنا 
يقاطعها صقر دون النظر لها وبهدوء روتيلا صدقيني أنتهى ....قراري نهائي ولو فكرت بعقلك شوية هاتلاقي عندي حق المسافة من هنا للكلية طويلة وهاتمشي على الدائري عايزاني أسمحلك بالسواقة في الظروف دي أنا نفسي مبعملهاش ... وينظر لها .. كنتي متخيلة أني ممكن أسمحلك 
تغمض عينيها وتفتحهم أوكي مفيش مشكلة عندك حق ...خالد هايسكن قريب مني وهياخدني من هنا الصبح ويرجعني بعد المحاضرات 
خالد أخد أجازة من كليتة وهايتفرغلك 
روتيلا تنظر له بتعجب !!!
صقر ببتسامة وثقة طبعا لأ ...يبقى تسمعي الكلام 
تجلس روتيلا تنظر للأرض تحت مراقبة صقر قعدتي أخيرا
يتحرك صقر ويجلس أمامها وبحنية قولي مشكلتك الحقيقية 
روتيلا بعيون دامعة خاېفة 
روتيلا الكلية جديدة عليا وزمايل ودكاترة جداد ...قلقانة جدا 
صقر ببتسامه خفيفة لا تخفي سعادتة بفراشته الصغيرة التي أصبحت أكثر تقاربا يوما بعد يوم في الأول هاجي بنفسي أوصلك وأجيبك كدة تبقي مستريحة شوية ....تشير برأسها بمعنى نعم ..ولو خالد يقدر خلية يرافقك الأسبوع الأول لغاية ما تخدي على الأجواء ...ثم يضحك وينظر لعنيها ولو عايزة رأي وقفي دراسة خالص
تبتعد روتيلا عنه وهي تمسح دموعها أية !! صقر طريقتك في إستفزازي مش حلوة 
يضحك عاليا متأكدة ..مين دلوقتي مسح دموعه وكان عايز يتحداني 
تضحك روتيلا وبدلع أوكي ..ساعات بتنفع 
صقر يضحك وهو يمسك خدودها أه يا شقية ..قومي عطلتيني 
تقف روتيلا ......
صقر ولازال يجلس مكانه يمسك يديها وهي واقفة أمامة أية تاني يا رورو
خالد وعمتي هايقعدوا في شقة .....مامي الله يرحمها 
صقر معقولة 
أيوة 
هي دي المشكلة ...زعلانة 
لألالالا خالص فهمتني غلط أنا ...وبهدوء ....أناصممت أن هم يقعدوا فيها ....بابا كان منعني أني أروح للشقة ...لكن وجود ماما منيرة هناك هايخليه يوافق إني أروح 
صقر ليه كان مانعك 
عادي كان بېخاف عليا ....لكنه أخيرا وافق أننا نفتحها فأنا كنت عايزة قبل ما ماما منيرة وخالد يوصلوا اروح للشقة ..... وتنظر له بترجي ....ممكن
يقف صقر عائدا لمكتبة ناظرا لساعتة وذلك كان معناه إنتهاء المناقشة 
صقر أرجوك دقيقة واحدة بس 
سيبيني أفكر وأرد عليكي ....تقدري تتفضلي
ليه ....وعندما ينشغل صقربشاشة اللاب .....رويتلا باستسلام ....طيب هاترد عليا أمتى 
يمسك صقر هاتفة ليتحدث للحاج راشد وبعد السلام 
يا حاج روتيلا طلبت مني تروح شقة مامتها وانا الحقيقة شكيت لما عرفت أنك مانعها 
وأنت قلت ليها أية 
قلت هافكر 
كويس يا ابني الله يرضى عليك ..مش عايزها تروح هناك إلا لما تكون الحاجة منيرة هناك 
خلاص مفيش مشكلة اللي يريحك ..عموما هارفض 
يضحك الحاج راشد لأ ..خليها عليا أنا علشان متزعلش منك 
يبتسم صقر ربنا يخليك لينا يا حاج 
خد بالك منها يا ابني 
روتيلا في عنيا ...
ربنا يطمن قلبك ...مع السلامة 
الله يسلمك يا حاج 
وبعد أن يغلق صقر الهاتف فراشتي في عنيا وقلبي يا حاج 
.......غرفة سارة.......
السلام عليكم 
أهلا رورو وعليكم السلام والرحمة ....ثم تلمس وجه روتيلا ...وشك مالة 
روتيلا بتعجب وهي تلمس وجهها مالة 
أحمر ...ثم تغمز لها بعنيها وهي تضحك ...أنتي جاية منين ..ده حتى صقر مانع حد يقاطعة علشان مضغوط في شغلة 
تضحك روتيلا وهي تنظر للأرض متباعده بنظرهاعن سارة وتصمت قليلا ....
وأنا بقوووول....أكيد كنتي عندة ..... أحكيلي ....
تقاطعها روتيلا سارة خلينا في الكلام المهم 
سارة تجلس أمامها مش فاهمة كلام أيه المهم 
سارة ..حبيبتي فوقي معايا ..موضوع مي 
سارة وهي تنظر للسماء أه ..فكريني كدة 
الله أكبر.. ليه بتعانديني ...كلمتي مروان 
سارة وهي تعتدل امام روتيلا أيوة كلمته ...وبعاندك لأنك مش راضية تحكي حاجة أبدا عنك إنتي وصقر 
ليه مصممة على حكاوي مش هاتستفيدي منها
حاجة ..
يا سبحانة الله يا روتيلا مش هو وعمر أصحاب أكيد زي بعض 
تضحك روتيلا والأستنتاج الخطېر ده توصلتي له أزاي 
شوفي هم لا في سن بعض ولا دراسة واحدة ولكن متفاهمين يبقى أكيد طباعهم واحدة 
بجدية تمسك روتيلا بيد سارة وترفعها أمامها لو صوابعك دول زي بعض يبقى صقر وعمر زي بعض ...حبيبتي كل انسان مختلف عن التاني انتي واخواتك مختلفين عن بعض وكل الظروف المحيطة بيكم في تربيتكم واحدة ومع ذلك ردود افعالكم لنفس الموقف مختلفة ..عايزة تسمعي من كل واحدة متجوزة حكاية وتطبقيها في بيتك ينفع كده وكنتي بتلومي مي 
لأ ما هو أنا هافكر وأخد اللي يناسبني 
أخلصي النية يا سارة وابدأي حياتك الزوجية بنية أرضاء الله في كل تصرفاتك وصدقيني هاتكوني سعيدة إن شاء الله 
سارة بتنهيدة عندك حق ....شكرا روتيلا 
عفوا يا روح روتيلا ...قوليلي عملتي أية في موضوع مي 
تضحك سارة اطمني قلت للأستاذ مروان ووافق بعد جهد جهيد وهايخلصهم أول بأول بسرعة ....بس تعالي قوليلي يعني أية نساعد ياسين في الحسابات أنا أقنعت لعلمك مروان وأنا مش فاهمة 
روتيلا شوفي هو واخد على مي القديمة بتاعة الحفلات والنوادي والمولات ..بتحبة ولاغية شخصيتها وتنفذ له كل حاجة بدون تفكير أو أعتراض ..صح
سارة صح ..وضيفي علية تسمع نصيحة أي حد وتطبق نظريات بدون تفكير 
تضحك سارة زي ما كنت هاعمل ....وبتعملوه معها أنتم بالضبط دلوقتي أنتي وماما
روتيلا يمكن كلامك صح لكن مي فعلا محتاجانا وأنا وماما فكرنا كويس جدا واتناقشنا مع بعض يعني مش هانقول حاجة إلا في مصلحة بيتها بدون تحيز ليها أو لابية ياسين ومش هانقول حاجة إلا وأحنا متأكدين منها فهمتي 
سارة لأ...الورق لية 
تضحك روتيلا تساعدة في شغلة كأنها بتشغل نفسها في البيت 
طيب ما هي اشتركت في دورات تعليم تنسيق الزهور وتعليم الطبخ الأسيوي 
أنتي يا بنتي بتقولي أية اربع خمس ساعات في الأسبوع هايفيدوا في أية ..وبالنسبة لأبية ياسين قال ليها أنا عايز أكل مصري بس وتنسيق الزهور أعتبرة هواية غريبة بس مناسبة لشخصية مي وبرستيجها يعني محركتش فية حاجة 
سارة وهي تضحك متفكرنيش كانت هاتنط من التليفون يوم ما قال ...تتكلم وهي تقلد ياسين ....أوعي تطبخي الأكل ده في بيتي ولا أشم ريحتة أنا أول حاجة كنت عايزك تيجي علشانها بسرعة هو الأكل المصري 
ويضحكا معا متذكرين حالة مي 
روتيلا بجدية اصبري علينا بس وشوفي التراكمات دي كلها هاتعمل فية أية 
أم صقر تدخل الغرفة السلام عليكم يا بنات ..ها ..الورق خلص 
سارة تضحك والله خاېفة منكم انتم الأتنين على البنت الغلبانة دي ..والأكثر أنكم تطبقوة عليا 
ام صقر تغمز لروتيلا لية هو لسة مظهرش عليكي حاجة 
سارة تنقل بنظرها بين روتيلا وامها فترة قبل أن تنطلقا في الضحك بشدة عليها 
........مي ........
التي نقلت الحسابات بسرعة بعد أن أرسلتة سارة بالفاكس ووضبت الورق على المكتب وفي نفسها ياربي علشان أنقلة تعبت التعب ده كلة امال