رواية الفراشة بقلم روتيلا

من معاشرتي ليوسف ان السطحية يكون ليها مكان في مجتمعة 
خالد ولد شقي بيفكرني بمروان بخفة دمة لكن هو شوية مچنون مبيتحكمش في اعصابة اتنين لو ذكرتهم ادامه يتعفرت روتيلا يتعفرت حب وخوف عليها والتاني صقر دايما بيمسك اعصابة ادامي شوية لغاية ما حد يجيب سيرة مشروعاته الخيرية في النجع وشه يحمر 
معلش يا مرات عمي أنا مستحيل انتخبة 
تضحك لميس مش مهم بناقص صوت المهم متعملش دعاية مضادة 
يوسف يهمس للميس تحبي أخلية ينتخبة 
ايه هاتغصبة 
لأ طبعا ..اصبري 
يوسف يعتدل ويضع رجل على الأخرى وبجدية خالد 
أيوة يا عمي 
روتيلا انهاردة قالت اللي عايز يزعلني مينتخبش صقر 
ينظرخالد له بمفاجأة إزاي بس هي عارفة وقالت عادي 
معقولة يمكن مش عايزة تزعلك 
خالد يقف يمسك هاتفة ليتصل بروتيلا 
انت بتعمل ايه 
هاتصل بيها لتكون زعلانه مني ومش عايزة تقول 
يوسف بجدية ينفع كدة يا حبيبي يعني هي تقولي ومترضاش تقولك علشان متزعلش منها وخاصة انها عارفة رأيك تقوم تتصل بيها تكسفها 
صح خلاص انا هاغير رأي وانتخبة واقولها اني اقتنعت ..انت عارف اهم حاجة عندي سعادتها 
يبتسم يوسف ناظرا للميس المتابعة للحوار وهي رافعة حاجبيها أية رأيك 
لميس بهمس رائع أنا شفت تحولات في الرأي كتير يا دكتور لكن تحول في أقل من نصف دقيقة بسبب كلمة.... زعلانة منك ..... جديدة دي عليا لازم ندرسها في الجامعة 
يضحك يوسف عاليا أوكي أشوف أزاي نستفيد منها .
تعود لميس للنظر للنيل بحبك يا يوسف 
.........مي .........
أعيش مع ياسين لحظات رائعة مابين الحوار الهادي ومناقشة اعماله التي أصبحت بارعة فيها من كثرة الممارسة حتى وجدت نفسي معظم الوقت أراجع أعمالة بنفسي الأن دون مساعدة مروان وسارة وروتيلا البنت دي حقيقي نعمة ربنا يبارك فيها 
لكن أنتي كنتي مخبية ده كلة فين 
مي التي سرحت في وجهة زوجها مم..معلش بتقول اية 
ياسين يضع يده على شعرها بهدوء ليه قصيتي شعرك ..متهيألي كان طويل عن كدة صح 
لا تستطيع مي أن تداري سعادتها لأول ملاحظة يطلقها ياسين عن هيئتها ده كان سؤالك عموما أيوة قصيتة شوية كان بيضايقني ...بس تعرف لازم اسجل انهاردة في التواريخ الهامة في حياتي 
ياسين يتعجب أية .ليه
تمسك يده تقربها لقلبها تاريخ أن ياسين يلفت نظرة شيئ غير شغلة 
يضحك ياسين مش ممكن ...ثم يصمت وهو يتمعن في وجهها ...مش ممكن أكيد كان بيلفت نظري حاجات كتير فيكي 
مي بدلع جميل يمكن بس كنت مشغول تقولها 
يتنحنح ياسين بجدية انا انهاردة هارجع متأخر لأنه في اجتماع مهم ...برنامجك أية 
مي ببتسامة أصبحت لا تفارقها بس زيارة لأسرة مصرية عرفتني عليها زوجة مدير مكتبك 
أعرفهم !
هابعتلك عنوانهم على الموبايل عموما هي اسرة أستاذ جودت المصري 
ايوة ..ايوة ..دي اسرة موجودة هنا من زمان.. .أوكي عارف عنوانهم ناس محترمين إن شاء الله تقضي معاهم وقت كويس
ينظر لها ياسين وبهدوء وأنتي كمان 
ويخرج ياسين تاركا مي التي تختبر أحاسيس جديدة مع زوجها 
........أول يوم دراسة .......
....توتر ..توتر ..توتر....
عنوان اليوم 
معقولة يا رورو منمتيش من بعد الفجر 
روتيلا مرتدية ملابسها وتقف بجانب النافذة تنظر للخارج تأخذ نفس عميق أيوة
يقترب صقر منها يديرها لتواجة لسة قلقانة 
تحرك راسها بنعم ولمعة دموع في عينها .....
مش عارفة أنا حصلي أية كل حاجة بقت تخليني أعيط ....صقر رجعني تاني كليتي في الأسكندرية 
يبتسم صقر معقولة يا روتيلا أنتي لسة مجربتيش هنا ... وبعدين وريني كده لابسة أيه 
تبتعد روتيلا لترية ملابسها ليه 
يمسح صقر بعصبية على وجهه ويتجة لغرفة الملابس لبسك اوكي
روتيلا التي تنظر لظهرة بتعجب ثم تتجه للمرأة تجفف دموعها لتشاهد ملابسها المحتشمة الفضفاضة أيه المشكلة !!
يعود
صقر ويمد لها بعلبة مغلقة سمعتك على فكرة ....ألبسي دي ..وشدي الحجاب على وشك أكتر 
تنظر له روتيلا فترة فيشير لها برأسة أن تفعل ما أمرها به وهو يقف خلفها وقد عقد ذراعية على صدرة منتظرة أية 
روتيلا بتردد الحجاب مظبوط 
صقر .....
عندما لم تجد أجابة شدت الحجاب أكثر على وجهها ثم تفتح العلبة لتجد نظارة قراءة عدساتها بنية فتتركها من يدها مش هالبسها ...مش محتجاها 
صقر وهو على وضعة دون تحرك يراقب تصرفاتها و بأمر هاتلبسيها والعدسات زجاجية مش للقراءة وفايدتها ببساطة أنها تداري عنيكي الحلوة دي ...مفهوم 
تأخذها روتيلا و بهدوء أيوة مفهوم ...بس أنت عارف أني هاكون مضطرة اني أخلعها في بعض السكاشن 
صقر وهو يتحرك ناحية حجرة الملابس مرة أخرى عارف لكن ساعتها هايكون وشك أما في لوحة رسم او كومبيوتر 
روتيلا مبتسمة وبهمس لا إله إلا الله ....الله يهدي 
.........العمة منيرة ........
جيت قبل يومين مع خالد وجمانة الشقة كانت نضيفة الحاج حريص أنها تفضل
نضيفة ومتهوية على طول ...ما شاء الله الشقة كأنها شقة عروسة ...تمشي العمة منيرة وهي تمرر يدها على الأثاث الله يرحمك يا ناديا طول عمرك كان ذوقك حلو ..إنا لله وإنا إليه راجعون 
بتكلمي نفسك يا سيتي 
ها... تعالي يا حبيبتي صحيتي بدري ليه 
تجلس جمانة تنظر حولها ولا حاجة قلت أقوم بدري يمكن تحتاجي حاجة في توضيب البيت وبعد كدة أبقى أروح لروتيلا 
تضحك العمة منيرة يا جمانة أنتي ناسية ان انهاردة أول يوم ليهم في الكلية 
لأ مش ناسية لكن معقولة هايروحوا من أول أسبوع 
العمة طبعا يا بنتي الكليات جديدة عليهم ..هاروح اعملك فطار 
جمانة لية هافطر لوحدي 
أنا فطرت من بدري مع خالد 
طيب خلاص يا سيتي هاقوم اعمل لنفسي ...
طيب تعالي معايا وأنا هاجهز للغدا 
جمانة وهي تمشي مع العمة منيرة للمطبخ مش بدري 
لأ أصلي عايزة أعمل كام صنف من اللي بتحبهم روتيلا 
جمانة بقلق معقولة جدي واقف 
تجلس العمة منيرة تداري دمعتها وافق يا قلبي ومن قبل ما أجي والفجر انهاردة بيوصيني ..ربنا يستر 
يارب ...أظن دي أول مرة تيجي هنا بعد الۏفاة ...
العمة بتنهيدة أيوة الله يكون في عونها
تمسك جمانة يد العمة منيرة إن شاء الله ياسيتي هاتمر على خير ..روتيلا مؤمنة 
يارب ...قومي يا بنتي أفطري وسيبيني أجهز الغدا 
تضحك جمانة اوكي مش عايزة مساعدة ..
لأ..لما أحتاجك هاناديكي أنا أستويت من لميس ..الله يصلح حالها 
جمانة بس والله إنجاز يا سيتي المفروض تفرحي 
تبتسم العمة منيرة والله يا بنتي مبسوطة ربنا يهدي سرها ويرزقك يا جمانة يا بنت جمال بالزوج الصالح 
تبتسم جمانة وتسرح مع حلم جديد 
........في الطريق الى الكلية........
في حاجات هاتسمعيها مني وتفهميها كويس لأني مش هاكررها ...اولا وقوف مع ولاد وتقولي زمايلي ممنوع 
ثانيا تبادل أرقام موبايل ممنوع 
ثالثا البنات اللي تعرفيهم زمايلك فقط وداخل أسوار الكلية لكن خارجها لأ ..مفهوم 
رابعا دكتور أو معيد أعرف أنك واقفه معاهم لأ
موبايلك مفتوح دايما وجدولك كامل يكون عندي وتبعتية برسالة فورا السواق برة قبل ما تطلعي ترني علية يجي أدام البوابة 
لو خالفتي أي حاجة من الكلام ده هايبقى أخر يوم ليكي في الكلية 
تضحك روتيلا حتى أدمعت عينها مش ممكن ...حقيقي مش ممكن ..أنت متصور أن ده كلام عاقلين 
ينظر لها صقر وبجدية سمعتية يا روتيلا وهاتنفذية حتى لو كان كلام مجانين 
روتيلا أسمحلي أنا بيحكم تصرفاتي دايما حدود ديني وأنت عارفني لكن موعدكش أن كلامك ده يتنفذ 
صقر يبقى أرجعك البيت لغاية لما تبقي متأكدة من تنفيذة 
روتيلا متهددنيش صقر انت حاطط شروط تعجيزية بس علشان انت