خطيبة اخي ايمان شلبي

علي ركبته وهو بيجز علي أسنانه پعنف 
انا هوريكي مين الحقېر ورحمه ابويا هندمك علي القلم هحرق قلب حبيب القلب عليكي
قال جملته وهو بيجرها علي الارض وهي بتحاول تفتح عيونها لكن مش قادره لحد ما غمضت عينيها واستسلمت وآخر حاجه فكراها أنه حطها في اوضه ضلمه وخرج
باااك
سمعت صوت الباب بيتفتح اتنفضت من مكانها وهي بترفع رأسها تشوف مين واول ما شافت الشخص واللي كان مؤنس جسمها كله اترعش عيونها لمعت بالدموع وهي بتدعي أن زين يلحقها كان جواها امل أنه يكون موجود زي اي مره بتكون محتاجاه بيكون موجود من غير ما تتكلم
غمضت عينيها بأشمئزاز وقرف ومؤنس بيقعد علي ركبته قدامها وريحته كلها سجاير وقرف
مؤنس وهو بيشيل خصله من شعرها ورا ودنها وبيقول بهمس وخبث 
ازيك ياميووش ياتري زين اما يعرف انك هنا هيعمل ايه 
اممممم هيجي ويعمل بطل وينقذك من الاشرار بقي وكده 
ولا لا استني صحيح زين مش هنا ده سافر اسكندريه يعني مش هيقدر يلحقك
وضحك ببلاهه مره واحده وهو بيقول 
لا مش معقول هيطير ويجيلك علي هنا وينقذك مني
قرب أيده من وشها ولسه هيلمسه بعدت عنه وهي بتتحرك پعنف وبتصرخ في وشه
ابعد ايدك القذره ديه عني واه زين هيجي وينقذني منك وانا متاكده من كده
مؤنس وهو بيهز رأسه بسخريه 
ولو قولتلك اني كلمته وقولتله حبيبتك عندي وقالي مش فارق
مي پجنون 
كذاب كذاااب مش هصدقك تاني زين بيحبني زين هيجي وهتشووف
مؤنس وهو بيهز رأسه بأسف مصطنع 
مش هيقدر للاسف لا هو انا مقولتلكيش !!
مي پخوف 
ق قولتلي ايه !
مؤنس بضحك 
أنه حبيبك حاليا بين الحياه والمۏت ههههههههه
مي بدموع وهي بتهز رأسها 
لا لا لا انت كذاب لااا زين زين حبيبي زين
مؤنس وهو بيهمس في ودنها بنبره كلها شړ 
حبيبك بيموووت
لا لااااااااااا لااااااااا زين زييييين
حبيبها قدامك بصحته ياجبان
ثانيه اتنين تلاته من الصمت ومؤنس بيلف ببطئ بيحاول ېكذب ودانه 
بلع ريقه بتوتر وهو شايف زين واقف قدامه بكل هيبه بالرغم من الخدوش والخرابيش اللي كانت في وشه إلا أنه كان واقف بكل قوه وكأن شيئ لم يكن !!!
أما عن مي رفعت راسها وهي بتتنفس بسرعه وكأنها كانت في أعماق البحر علي حافه المۏت وخرجت في آخر لحظه
ازاي ازااااي
قالها مؤنس پجنون وهو شايف زين قدامه بعد ما اتبعتله صور أنه بيصارع المۏت
قرب منه زين وهو بيشده من هدومه وبيجز علي أسنانه پعنف 
طول عمرك و
قال جملته وانهال عليه بالضړب ومؤنس بيحاول يردله الضړب لكن مقدرش
زين خلاص عشان خاطري
كان زين بيضرب فيه وهو مش حاسس بنفسه 
كان بيطلع كل غضبه فيه بيفتكر إحساسه لما قالتله مش عايزه اكمل معاملتها ليه ايديها اللي لبست فيها دبله مؤنس كل ده بسبب كذبه حقيره اخترعها هو عشان يفرق ما بينهم
فاق علي صوتها اللي من بعده دخل رماح ومجموعه من الظباط عشان يقبضوا علي مؤنس بتهمه قتل مراته اللي كان متجوزها في السر !
السبب اللي اخترعه عشان يفرق ما بينهم طلع هو اللي عامله بالفعل مع مراته
قرب منها ببطئ وقعد علي ركبته وفك ايديها ورجلها وهو بيسألها بهدوء 
انتي كويسه !
وعلي عكس توقعاته وهي بتتنفض بقوه 
انا لو كان جرالك حاجه كان ممكن اموت فيها ا انا اسفه س سامحني يازين انا اسفه
كانت متعلقه في رقبته وهو مغمض عينه بقوه صدره بيطلع وبينزل پعنف في صراع بين قلبه وعقله
قلبه 
انت بتحبها سامحها
عقله 
بس هي صدقت مؤنس وسابتك
قلبه 
اي حد مكانها كان هيصدق مؤنس لعبها صح
عقله 
بس اللي بيحب حد مش بيصدق أنه ممكن يأذيه
قلبه 
مي بتحبك وانت بتحبها وهي غلطت وعرفت غلطها سامحها عشان متندمش بعدين اللي بيحب بيسامح
انهي الصراع وهو بيضمها لقلبه بأقوي ما عنده لدرجه حست ضلوعها هتتكسر
مي بدموع 
سامحني
زين وهو بيمسح دموعها برقه 
متعيطيش انا مسامحك من زمان
ابعد عن اختي ياحيوووان
قالها رماح وهو بيقرب من زين وبيشده بغيظ وغيره
زين برفعه حاجب 
انت قد اللي عملته ده !
رماح بثقه 
اه ولو عايز تحضنها اكتب عليها وانا اسمحلك غير كده نوووو
مي بمرح 
يادكرررري
رماح بغرور مصطنع 
ومش هجوزك اختي غير لما تجوزني اختك
زين وهو بيغمزله 
طب ايه رأيك نكتب الكتاب في نفس اليوم 
رماح بفرحه وهو بيسقف 
اشطا انا بحب كده انا رايح اجيب المأذون
زين بذهول 
هنا!
رماح پجنون 
اه انا قررت اصل اختك برا والحبايب كلهم متجمعين برا مفيش وقت للتفسير
قال جملته وخرج وزين ومي واقفين يضحكوا علي جنونه
قربت مي منه وهي بتلمس وشه بحزن 
ايه اللي حصل لوشك 
زين وهو بيتنهد 
كارلا كلمتني وحكتلي علي كل حاجه وانا كلمت مؤنس وهددته وانا معاه علي الفون انتي ډخلتي وهو نسي يقفل السماعه وسمعت كل حاجه ركبت عربيه وسوقت بأقصي سرعه كان مؤنس شايل الفرامل ولولا ستر ربنا العربيه خبطت في شجره بس الاصابه مكانتش قويه ركبت عربيه وجيت علي هنا الحمد لله اني لحقتك
مي وهي بتسحب ايديه بين ايديها وبتبوسها برقه 
انا اسفه
زين وهو بيتنهد 
متتأسفيش يامي انتي ملكيش ذنب
مي 
بحبك
يابنت الجزمه ابعدي ده مش حلالك لما تكتبي الكتاب احضنيه براحتك
قالها طارق وهو داخل الأوضه وبيحدفها بشبشب في وشها
مي وهي بتتفادي الشبشب وبتقول بتذمر 
يابا بحبه ياباااا
تمت 
إيمان_شلبي